你是瘋狂的...我是自由的...

某日放工後帶上海同事到莎莎入貨. 富貴同事將幾頁紙的清單交給殷勤的售貨員, 本來只站在一旁的我開始不耐煩, 因為在這之前已經走遍羅素街, times square, kiehl's, nokia, bodyshop, gucci, 整層的sogo化妝品專櫃... 十一個攰. 解決這種不耐煩的唯一辦法就係迫自己投入其中, 買埋一份. 於是我又走去煩下那個忙碌的售貨員問佢東問佢西.

我: (canton-go) 請問你有無... 佢: (國語) 我給你查一下 我: ...
過了幾分鐘
佢: (國語) 噢, 這個牌子我們缺貨了... 我: (廣東話) 哦, 好唔緊要...
佢: (仲繼續國語) 我(火!!!!!!!) : 我識講廣東話架!!!! 佢: (廣東話) 哦, 唔好意思呀
可惡!!!!


前日放工, 到了銅鑼灣某舖頭. 一踏入店門, 一男一女售貨員擘頭就黎國語一人一句車輪sell我. 我立刻九秒九調頭走.
可惡!!!!


今日放工, 經過屋企附近的生果舖買橙, 通常個生果伯伯都鐘意"水晶梨靚呀""d萍果抵食呀"一輪咀黎騷擾你. 正當我諗住專心一意0係道睇緊十蚊四個橙定廿蚊五個橙定廿蚊四個橙好既時候, 佢見我唔理佢, 竟然彈出一句"xiao jei 腰痴沈麼?"!!!!!!! 我大大話話前前後後都幫襯了佢至少幾百元生果, 現在竟然連佢都當我係自由行...
可惡!!!!!!!!!!

我諗我應該轉個旺角look...