跟住加句"我九龍車黎架, 唔係好識路" {例牌對白. 大晒呀? 仲要起左錶先講}
就係咁, 一路上佢就拎住呢塊免死金牌, 不停話唔識行, 不聽扮聽唔到我指示, 一連好幾次故意想走錯路. 好彩被我及時喝止. 我無unkle beach個blog entry所提及的林生咁型, 亦無咁多時間俾個扮食甜筒的司機停一停想一想先開車.
本來忍住唔鬧佢, 唔想一清早俾人影響心情. 最後都忍唔住. 講晒d路名指明靠左靠右轉左轉右, 但佢每次都要博我唔覺意行錯. 我叫住佢時仲同我拗, 最後要我咆哮先肯行我講的路線. 唔識渣車的都知道中環廣場點去啦老爹. 真係有人無頼到咁.
一程本來愉+快的車程俾佢得償所願, 我要多付車資還賠上了一天的好心情. 找錢時有個老外在等上車. 我對他說 "i'd suggest u not to take this cab" 老外最後亦無上車. 你不仁我不義. 哼!!!!!
